Паэтычны тэатр "Арт. С"
25 студзеня а 18.00 у музеі Янкі Купалы
п р а д с т а ў л я е
вечарыну "ТАЦЦЯНІН ДЗЕНЬ" – 2012
Выступаюць-чытаюць-апавядаюць-спяваюць ТАЦЦЯНЫ:
БАРЫСЮК, БЕЛАНОГАЯ, БУДОВІЧ, ГРЫНЕВІЧ, ЛАДУНОВА,
МУШЫНСКАЯ, ПРАТАСЕВІЧ, СІВЕЦ
а таксама брат Таццяны АЛЕСЬ ЕМЯЛЬЯНАЎ
Падарыце свята сабе і знаёмым Таццянам
УВАХОДНЫ КВІТОК 3 тысячы рублёў

Сайт ART-S.BY , сувязь "Арт.С" <box@art-s.by>

У межах серыі канцэртаў “Штомесяц 13-га па-беларуску” у клубе «Салтайм» (пр. Незалежнасці 131/1) праходзяць выступы беларускамоўных рок-каманд. Але 13 студзеня 2012 года прапануем вам наведаць Special Event (спецыяльную падзею) гурта “Верасень”. Імпрэза адбываецца ў межах кампаніі «Будзьма беларусамі!».

З нагоды дня нараджэння гітарыста гурта «Верасень» Арцёма Лабіна вечар 13 студзеня (дарэчы, яшчэ і Стары Новы Год, і пятніца, трынаццатае!) будзе мець незвычайны фармат. Вас чакае выступ гурта «Верасень», а таксама цікавая музычная праграма ад сяброў: сюрпрыз ад Таццяны Беланогай, блюзавы сэт ад гурта Long Way, вогненны луізіянскі блюз (танчаць усе!) ад Maddy Daddy Band, прывітанне ад блюз-рок каманды «На Узлёт» і джэм напрыканцы.

…І мы зусім забылі, што гурт «Верасень» гэтым вечарам прадставіць студыйную міні-плытку з новымі песнямі…

Кошт квіткоў не палохае: 25000 папярэдне ў 2012 годзе, 30000 у дзень канцэрта.

Папярэдняя замова квіткоў – (029) 640 09 38, (025) 622 95 03

Пачатак а 19-й!!! І без затрымак – пачнем своечасова, бо праграма немалая!

Уваход асобам з музычнымі інструментамі – бесплатны. Наяўнасць кветак і падарункаў права на зніжкі не дае, але катэгарычна вітаецца!

• Таццяна Беланогая
• Зміцер Бартосік
• Андрэй Хадановіч
• Эдуард Акулін
• Андрэй Плясанау
• Аляксей Галіч

Падчас імпрэзы адбудзецца прэзентацыя дыску «Калядныя песьні Данчыка»

Усім дзеткам -падарункі ад арганізатарау і Святога Мікалая!

Даведкі: 6490888. Кошт квіткоу ад 25 000 да 45 000.

Калядныя зоркі з намі

Каляды, бадай, самае ўлюбёнае сьвята для ўсіх людзей зямлі. Калі нехта можа не заўважыць, напрыклад, Дзень Радыё ці нават чыйсьці дзень нараджэньня, дык забыць пра Каляды проста немагчыма: людзі зьбіраюцца разам, танчаць, гуляюць у калядныя гульні, сьпяваюць (ці проста слухаюць) калядныя песьні.

Беларусам на Каляды пашанцавала нават двойчы, бо наша поліканфэсыйнасць прывяла да таго, што сьвята Божага нараджэньня сьвяткуецца і паводле старога календара, і паводле новага. І вось 7 студзеня менскі Палац Вэтэранаў запрашае на неверагодны акустычны калядны канцэрт, які да ўсяго іншага будзе й прэзэнтацыяй унікальнага фанаґрафічнага выданьня – CD Данчык «Калядныя песьні». Унікальнага таму, што раней (гадоў 15 таму) выходзілі толькі касэты з такой праґрамай, а цяпер сучасныя тэхналёґіі дазволілі падрыхтаваць адпаведны часу прадукт, які зьмясьціў ня толькі два дзясяткі песенных шэдэўраў, але й жывыя відэазапісы знакамітага сьпевака, якога называюць «Залаты беларускі голас з Амэрыкі».

Як вядома, у беларускай традыцыі сымболем гэтага сьвята стала Калядная Зорка (пра яе й многія песьні). Дык вось і на канцэрце гэтым зьбяруцца сапраўдныя зоркі беларускай поп- і рок-музыкі, бардаўскай песьні (Тацяна Беланогая, Зьміцер Бартосік, Андрэй Плясанаў, Андрэй Хадановіч, Эдуард Акулін, Аляксей Галіч), каб ушанаваць песьняй Калядную Зорку.Калі ў двух словах пра артыстаў, дык пераможцу шэрагу эўрапейскіх фэстываляў акустычнай рок-музыкі Таню Беланогую беларусы ведаюць найперш па альбомах «Дзьвюхкроп’е» і «Ніткі», якія займалі месцы ў гіт-парадах, траплялі на тэлевізію. Бартосік і Хадановіч прывабліваюць найбольш аматараў сьцёбных песенных фэльетонаў, у той час як Плясанаў (а ў яго 6 альбомаў) заслужана атрымаў у прэсе тытул «лепшага пасьля Мулявіна рок-мэлядыста Беларусі».

Некалькі альбомаў выдаў і тонкі лірык, кароль бардаўскага жанру й паэзіі Э.Акулін, а вось унікальнаму таленту Аляксея Галіча удалося пакуль прабіць толькі папулярныя складанкі сярэднявечнай музыкі кшталту «Леґенды Вялікага Княства», «Medieval», хоць дыяпазон ягонага вакальнага таленту заслугоўвае паўнафарматных аўтарскіх альбомаў. У фае канцэртовае залі можна будзе таксама паглядзець поўную дыскаґрафію ўсіх гэтых артыстаў, а нешта й набыць на памяць аб цудоўным сьвяце. А ўсім дзеткам арґанізатары абяцаюць падарункі ад Сьвятога Мікалая, заўсёднага патрона Калядаў!

Канцэрт адбудзецца, нагадваем, 7 студзеня ў менскім Палацы культуры вэтэранаў (вул. Я.Купалы, 21) у 19.00. Даведкі па тэл. 649 08 88.

Вітаўт МАРТЫНЕНКА

Выйшаў калядны выпуск літаратурна-мастацкага часопіса “Дзеяслоў”, №6 (55)/лістапад-снежань/2011 http://dziejaslou.by/ з падборкай вершаў Тацьцяны Беланогай “Скульптура слова”, а таксама ў нумары №6 рэдакцыя часопіса радая прадставіць вам аўдыёдыск Тацьцяны Беланогай – альбом “Ніткі” (перавыданне 2010 года). Дзякуй за падтрымку грамадскай кампаніі “Будзьма беларусамі!”, сайт http://budzma.org/, інтэрнэт – парталу “Тузін Гітоў”, сайт http://music.fromby.net/, Саюзу Беларускіх пісьменнікаў, сайт http://lit-bel.org/.

Таксама ў новым нумары вас чакае сустрэча з цікавай паэзіяй, прозай, перакладамі, эсэ, крытакай.

Новы нумар часопіса “Дзеяслоў” №6 (55) вы можаце набыць у Менску, а менавіта: крама “Акадэмічная кніга”, г. Менск, пр. Незалежнасці, 72. Тэл.: (017) 292-00-52; крама “Кніжны салон”, г. Менск, вул. Калініна, д.5. Тэл.: (017) 385 60 89. Кнігарня  «логвінаЎ», пр-т Незалежнасцi, 37а. Тэл.: (017) 290 63 06.

На часопіс “Дзеяслоў” можна падпісацца ў любым паштовым аддзяленні Беларусі. Падпісны індэкс – 74813 (для індывідуальных падпісчыкаў), 748132 (для ведамаснай падпіскі). Часопіс можна знайсці на інтэрнэт- старонцы http://dziejaslou.by/.

Спадзяемся, вам спадабаецца новы нумар часопіса “Дзеяслоў” і аўдыёпадарунак - альбом “Ніткі” Тацьцяны Беланогай! З надыходзячымі сьвятамі! Сьвятла, сапраўдных знаходак і ўзнёслай музыкі ў душы! 

8 снежня ў межах кампаніі «Будзьма беларусамі» адбудзецца канцэрт Тацяны Беланогай у гімназіі №6 г. Маладзечна. Тацяна падрыхтавала праграму з лірычных песень, бо менавіта гэтая школа – alma mater для Тацяны. Дзевяць год таму яна скончыла гэтую школу, і зараз вяртаецца, каб паказаць сваім настаўнікам свае вынікі. Пачатак а 13 30.  

                                                          Культурніцкая ініцыятыва Твой Фэст      

пры падтрымцы кампаніі «Будзьма беларусамі» прадстаўляе:

Фэст «КАХАЙ ПА-БЕЛАРУСКУ, ЖЫВІ ПА-ЕЎРАПЕЙСКУ!..» 5 і 6 снежня 2011

У гэтыя халодныя снежаньскія дні мы хочам даць вам крыху цяпла, утальнасці, выдатнага настрою і любові!.. А таксама вас чакае якасная беларуская музыка і добрая еўрапейская паэзія! Прыходзьце самі і запрашайце сяброў! Перабудзем зіму разам!

Вас чакае сустрэча з беларускімі паэтамі і музыкамі!
Усе пакаленні сучасных творцаў на адной сцэне.
Таксама адбудзецца ўганараванне пераможцаў Конкурсу Ідэй для крэатыўнай беларускай моладзі, які праводзіўся ў межах фэсту.

Дзе: Менск, клуб “LOFT” (вул.П.Броўкі, 22)
Калі: 5 і 6 снежня 2011
Пачатак усіх мерапрыемстваў а 19.00.

Выступоўцы 5 снежня:

Алесь Камоцкі
Віктар Шалкевіч
Андрэй Плясанаў
Таццяна Беланогая (Маладзечна)
Таццяна Салаўёва (Гародня)
Адмысловыя госці –
Stefan Eryksan
Dziadzka Ryhor
Алесь Разанаў
гурт Яблынька (Гарадок-Полацк)
і іншыя.

Выступоўцы 6 снежня:

Аkute (Магілёў)
Recha
Cпрат (Берасце)
BosaeSonca
Князь Мышкін
PANaNieba (Вілейка)
Dzivasil
Nevma (Магілёў)
і іншыя.

Вядоўца фэсту – Валярына

Крыніца інфармацыі: http://tvojfest.org/praekty/kaxaj-pa-belarusku-zhyvi-pa-eurapejsku/, http://budzma.org/

13 лістапада 2011 года ў Чырвоным касцёле адбудзецца адкрыццё выставы, прысвечанай Эміліі Плятэр. На адкрыцці чакаецца выступ мастакоў, чые працы будуць прадстаўленыя на выставе, выступ музыкаў Дар’і Кадамскай і Дзмітрыя Пятроўскага, барда Тацяны Беланогай. Пачатак а 14 00. Адрас: г. Мінск, Чырвоны касцел.

15 лістапада 2011 года ў Цэнтральнай бібліятэцы імя Максіма Багдановіча г. Маладзечна адбудзецца літаратурная сустрэча “Зорка Максімавай светлай душы. Максім Багдановіч у літаратуры краін свету”. Падчас літаратурнага вечара прагучаць вершы Максіма Багдановіча на французскай, немецкай, гішпанскай, ангельскай мовах. У вечарыне бярэ ўдзел знакаміты краязнавец і выдавец Міхась Казлоўскі. Бард Тацяна Беланогая праспявае песні, якія яна напісала на вершы беларускага паэта.

Пачатак сустрэчы а 15.00. Адрас:  г. Маладзечна, вул. Талстога, 4. Тэлефон для даведак: 8 (0176) 77 05 07. Чакаем Вас, паважанае спадарства!

Сяргей Панізнік будзе прэзентаваць свой зборнік песень і вершаў "Арэлі", распавядаць пра зборнікі вершаў для дзяцей  "Адкуль вясёлка п'е ваду", "Жыцень", "Мы – грамацеі", Таццяна прэзентуе свае песні на вершы паэтаў, а менавіта  Максіма Багдановіча, Яўгеніі Янішчыц, Дануты Бічэль,  Глеб падрыхтаваў расповяд пра даследаванне роду Радзівілаў.

9 лістапада

10.30 Гісторыка-філалагічны факультэт, г. Полацк

14.00 гімназія №1 Полацка – Выступ Сяргея Панізніка, гтмназія №2 Полацка – выступы Тацяны Беланогай і Глеба Лабадзенкі

17.30 Цэнтр рамёстваў, г. Полацк, вул. Ніжнепакроўская, 27.

10 лістапада месца і час  выступу ўдакладняецца.

Выступы ладзяцца ў межах кампаніі “Будзьма беларусамі”, сайт budzma.org.

Паэт Эдуард Акулін і бард Таццяна Беланогая ў межах кампаніі “Будзьма беларусамі!” выступяць двойчы ў школах Мікашэвічаў ужо ў гэтую пятніцу – 14 кастрычніка.

Выступы адбудуцца:
12.00. Мікашэвіцкая СШ №1
14.00. Мікашэвіцкая гімназія №1 імя Уладзіміра Нядзведскага

Як заўжды, самыя актыўныя слухачы і ўдзельнікі конкурсаў атрымаюць памятныя падарункі ад кампаніі “Будзьма беларусамі!”

Творчы паект “Вежа міру” і сайт АДУКАЦЫЯ.INFO запрашае наведаць вечарыну

-БАТАН-паці. Вучыць вуму і розуму, збіраюцца: Тацьцяна Беланогая http://vkontakte.ru/id14255448, дуэт DaTahttp://vkontakte.ru/id20197883, Violet Cuphttp://vkontakte.ru/club26046518, гурт "Нельга забыць"http://vkontakte.ru/nelgazabyc. 

Пад час імпрэзы адбудзецца прэзентацыя сайта (вас чакаюць інтэрактыўныя гульні, неспадзяванкі і конкурсы)

Чакаем вас 13 кастрычніка а 19-й гадзіне 

Вельмі папросім тых, хто дакладна вырашыў наведаць імпрэзу абазначаць сябе на сцяне як +1, ці +2 калі вы будзеце зь сябрам. Дзякуй.

Старонка vk.com/event30983248

Кошт квіткоў 5 тыс. 

г. Мінск, вул. М.Багдановіча 7 “А” (Траецкае прадмесце) 

Тэлефоны для даведак: 8 (017) 334-42-69, 8 (029) 850-73-27 
e-mail: maksimbagdanovich@rambler.ru

Пачатак: 
13 кастрычніка а 19:00

Рэгiянальны фестываль ў вёсцы Крэва Гродзенскай вобласці ў найлепшых беларускіх традыцыях на 2 дні (2011, 13 Жнівень а 10:00 – 14 Жнівень а 16:00) пераўтворыць вёску ў эпіцэнтр віравання тэатральных, танцавальных і песенных плыняў сучаснай інтэрпрэтацыі традыцыйнай культуры.

Паралельна пройдзе квэставая валанцёрская гульня.

Падчас фестывалю выступяць сярэднявечны шэльмоўскі тэатр «ДыГрыза» і гурты: «Квецень», «Князь Мышкін», «Нагуаль», «Рацыянальная дыета», «Святкі», «Фолкінэры», «Hoha-band», «The Silicon». Таксама гледачоў чакае літаратурна-музычная частка фестывалю. У ёй прымуць удзел : Анатоль Івашчанка, Усевалад Сцебурака, Вера Бурлак, Валярына Кустава, якая будзе весці літаратурна-музычную частку фестываля. Барды: Тацяна Беланогая, Раман Яраш, Раман Абрамчук, Вікторыя Харкевіч і іншыя.

На фестывалі пройдуць майстар-класы па народных танцах, гульнях і спевах. Чакаем вас!

Літаратурная частка фестывалю праходзіць пры падтрымцы кампаніі “Будзьма беларусамі!

22 ліпеня 2011 ў Берліне адбудзецца прэзентацыя праэкта, прысвечаная правам чалавека. Пачатак а 19 00. У праэкце бралі ўдзел маладыя журналісты з Германіі, Польшчы і Беларусі. Яны пісалі артыкулы аб правах чалавека ў грамадстве ў трох краінах. Праект называецца"Spotlight on Human Rights - Young Journalists on Tour in Germany, Belarus and Poland". Яны збіраюцца распавесці гасцям трохі аб праекце і чаму яны навучыліся. Яны збіраюцца паказаць фатаграфіі і прэзентацыю. Напрыканцы вечарыны адбудзецца канцэрт беларускага барда Тацяны Беланогай.  Сустрэча ў фэйсбуку http://www.facebook.com/home.php#!/event.php?eid=123860501034530. Вечарына адбудзецца ў кавырні “Nest” Görlitzer Str. 52, 10997 Berlin, http://cafenest.de/ueber-uns/.

19 ліпеня 2011 года (аўторак) а 19 00 у пасёлку Зялёны Бор (Мінская вобласць, Смалявіцкі раён) адбудзецца выступ паэта Алеся Плоткі і барда Тацяны Беланогай. Канцэрт будзе праходзіць у пасялковым парку. Пры дрэнным надвор’і канцэрт адбудзецца ў Зялёнаборскім Доме культуры. Пасля канцэрту у Вас будзе магчымасць набыць кнігі і дыскі выканаўцаў. Больш падрабязную інфармацыю глядзіце на bielanohaja.org.

Канцэрт ладзіцца ў межах агульнанацыянальнай кампаніі “Будзьма беларусамі!”. Запрашаем!

Каардынаты арганізатараў: 8 (029) 690 58 56.

16 ліпеня 2011 года ў вёсцы Германавічы адбудзецца літаратурна-музычная імпрэза з удзелам пісьменніцы Анкі Упалы і барда Тацяны Беланогай падчас адкрыцця другой чаргі мастацкай галерэі імя Міхася Райчонка. Пачатак а 12.30. Імпрэза ладзіцца ў межах рэгіянальнай краязнаўчай навукова-практычнай канферэнцыі пры падтрымцы кампаніі “Будзьма беларусамі”.